Profile Organizasaun

Lian Makloke!

Halibur Estudante Padiae ho naran ha badak maka HESPAD nebe nu’udar organizasaun estudante nebe’e kompostu husi estudantes suco rua (2) hanesan :  Suco Cunha no Suco Lalisuk. Organizasaun ne’e hari’i iha Oe-cusse, dia 11 Novembru 2003, ho nia komitmentu atu hametin estudante no joventude nebe atu hakuak comunidade tomak iha  Suco Cunha no Lalisuk. Organizasaun HESPAD hanesan organizasaun nebe imparsialidade no la buka lukru, no la inklina iha Partidus politika ruma. Organizasaun ne’e ho nia Visaun, Mizaun no Objetivu nebe klaru atu halao nia programa iha nivel edukasaun, sosial hodi hala’o dezenvolvimento iha rekursu Humanu (SDM). Strategia Organizasaun HESPAD uza tuir instrumentu-instrumentu programa nebe relavante liu husi aktividade hodi halao no benefisiu nebe diak, bazeia ba Visaun, Misaun no struktural HESPAD. Statuta ka Lei baziku HESPAD nebe formadu ho nia objetivu atu sai hanesan matadalan hodi halao dezenvolvimentu tuir programa HESPAD ba nia membru, (Sruktural, Koordenador, no membrus HESPAD).

Vizaun:

Loke hanoin no hasa’e konechementu iha organizasaun hanesan responsabilidade nudar estudante, no aumenta ka hakbi’it potensialidade nebe iha.

Misaun:

• Hametin deskusaun entre estudantes bazeia ba programa hodi edentifika problema nebe akontese nebe afeita grave iha komunidade nia le’et.  

  
• Paradigma no dezenvolve programa peskizasaun nebe orienta iha isu-isu nebe iha komunidade nia le’et.